Sesebutan Waktu Dina Sapoe Sapeuting.

Wanci Janari gede         : Kira-kira tabuh 01.00 - 03.00
Wanci janari leutik         : Kira-kira tabuh 03.30 - 04.30
Wanci balebat                : Waktu fajar geus udat udat(sinar panon poe) beulah wetan (tabuh 04.30).
Wanci carangcang tihang : Wanci liwat fajar,tetenjoan remeng-remeng keneh(tabuh 04.30 - 05.00).
Wanci haneut moyan      : Waktu sedeng ngeunah dipake moyan (tabuh 07.00 - 08.30).
Wanci rumangsang          : Waktu panon poe geus karasa panas(tabuh 09.00).
Wanci peucat sawed      : Waktu munding anu dipake magawe dilaan sawedna(tabuh 10.00).
Wanci manceran/lohor    : Waktu panon poe luhureun sirah,tengah poe(tsbuh 12.00).
Wanci lingsir ngulon        : Waktu panon poe geus mimiti ngeser ka kulon (tabuh 13.00).
Wanci panonpoe
satangtung                      : Tabuh 15.00.
Wanci tunggang gunung  : Waktu panonpoe geus rek surup,ayana dina luhureun gunung (tabuh 16.00-17.00)
Wanci sariak layung       : Waktu layung (sinar panonpoe)di langit katenjo beureum(tabuh 17.00-18.00).
Wanci sarepna               : Geus mimiti reup poek(tabuh 18.30).
Wanci sareureuh budak  : Waktu budak leutik geus mimiti carapeeun tas hareureuy(tabuh 20.00).
Wanci tengah peuting      : Tabuh 24.00.
   




          Sunda yang terlupakan.

Jam Sunda

                   

Kamus Bahasa Sunda

Kamus Bahasa Sunda

Rupa-rupa Diuk.

Andegleng             ; Diuk ajeg tumaninah dina korsi.
Andeprok              ; Emok rekep(awewe).
Anjeucleu              ; Diuk ngenah-ngenah di tempat nu rada luhur(dina tonggong munding,kuda,jst).
Campego               ; Cingogo kawas aya nu didagoan.
Candeluk               ; Diuk sabaraha lilana kawas aya nu didagoan.
Cingogo                 ; Nagog, peta saperti nu bubuang.
Emok                     ; Diuk awewe,suku duanana di tikelkeun semu kagigir ditindihan ku dua pingping.
Emak cabok           ; Emok anu pingpingna dipatumpangkeun.
Nagog                    : cingogo.
Nanggeuy gado     ;Diuk biasa ngan leungeun sabeulah  dipake nanggeuy gado (biasana diuk keur ngalamun)
Ngabaheuhay         ;  Diuk nyanghunjar bari suku direnggangkeun,biasana lantaran cape.
Ngebebengkong     ; Diuk lila rada semu bengkung,bari nganggur.
Ngalageday            ; Diuk nyangsaya  biasan dina korsi males.
Nyanghunjar           ; Diuk bari ngalonjokeun suku sabeulah.
Nyanghunjar-         ; Diuk bari ngalojorkeun suku duanana.
lambar
Nyangsaya             ; Diuk bari nyarandekeun awak kana tempat nu disarandean.
Sidengdang            ; Diuk bari suku dua nana dirumbaykeun (biasan diuk di imah panggung nu aya kolongan)
                                 lamun sukuna  di ayun ayun disebut ucang ucangan..
Sideuha                 ; Diuk emok atawa sila bari leungeuna sabeulah dipake nulak awak.
Sila                        ; Diuk bari nikelkeun suku duanana  handapeun pingping nu didengkakkeun.
Sila andekak          ; Sila semu rubak,biasana bari nyinghareupan kadaharan.
Sila ipis                  ; Sila rubak,tuur anggang pisan nepi ka jebrag.
Sila mando             ; Sila bari leungeun duanana aya diantara dua suku nu ditumpangkeun,awak biasana
                                semu doyong ka hareup.
Sila tumpang          ; Sila bari dampal suku duanana numpang dina pingping kenca katuhu.
Sila tutug                ; Suku nu sabeulah sila ,sedeng nu sabeulahna deui ditutugkeun.










                                Sunda yang terlupakan

Kecap panganteur.

Am dahah
Barakatak seuri
Bek dahar
Berebet  lumpat
Berewk  soek/soeh.
Biur  ngapung.
Blak  nangkarak.
Blok  bahe.
Blug  labuh.
Bluk  nangkuban.
Bray  beurang.
Bray  beunta.
Bray  caang.
Bray  muka.
Breg  hujan.
Brus  mandi.
Bus  asup.
Burusut  ngising.
Cat  unggah.
Celengkeung  ngomong/nyarita.
Celengok  nyium.
Cep  tiis.
Cer  kiih.
Ceuleukeuteuk  seuri.
Cikikik  seuri.
Clak  tumpak.
Cleng  ngacleng.
Clik  murag.(barang anu leutik).
Cong  nyembah.
Crot  nyiduh.
Deker  dahar.
Deker  digawe.
Dug  sare.
Gampleng  nampiling.
Gantawang  nyarekan.
Gap   nyanggap.
Gaplok  nyabok.
Gedig  indit.
Gek  diuk.
Geleber  hiber.
Geleser  maju.
Gewewek  ngegel.
Gok  paamprok.
Goledag  ngedeng.
Hing  ceurik.
Hiuk  nenggel.




Jedak  diadu.
Jeduk  tidagor.
Jep  jempe.
Jleng  luncat.
Jol (torojol)  datang.


Jrut  turun.
Jung  nangtung.
Kecewer  kiih.
Kerewek  nyekel.
Kop  nyokot.
Kuniang  hudang.
Lar  ngaliwat.
Lat  poho.
Leguk nginum.
Lek  neureuy.
Leos  indit.
Lep  teuleum.
Les  leungit.
Luk  tungkul.
Nging (ngeng)  ceurik.
Nyah  beunta.
Nyeh  imut.
Nyel  ambek.
Nyot  udud.
Orolo  utah.
Paralak  hujan.
Pelenyun  udud.
Pes  pareum.
Pluk  murag.
Pok  ngomong.
Pudigdig  ambeuk
Rap  dibaju.
Reg  eureun.
Regot (rot)  nginum.
Rengkenek  ngigeul.
Rep  tiis/jempe.
Reup  peureum.
Reup  poek.
Reup  sare.
Sebrut  narajang.
Sedut/dut  hitut.
Segruk  ceurik.
Serenteng/ nyamperkeun.
Sirintil
Terekel  naek.
Tret  nulis



                             Sunda yang terlupakan.

Kecap Sesebutan Bilangan Nu Dilarapkeun Kana Barang Nu Tangtu.

Ambekan              ; Sadami.
Awi                       ; Sabebek.
Awi                       ; saleunjeur.(satangkal)
Awi                       ; sadapur (sagunduk anu di wangun sababaraha tangkal).
Bako                     ; salempeng.
Bangsal                  ; Sacangi (sasiki).
Bawang                 ; Sasihung (sasiki).
Beas                      ; sacanggeum.
Bilik                       ; Sailab (sagebing).
Boeh                      ; Sarirang (tilu iket).
Cai                         ; Sakeclak.
Cangkir                  ; Satangkep (cangkir katut pisinna).
Cau                       ; Sasikat.
Cau                       ; Saturuy (sababarah sikat).
Daun                     ; Saponggol.(sagagang daun).
Daun                     ; Sakompet(sababaraha ponggol menang nyuitan,tuluy di iket)
Eurih                     ; Sajalon (menang ngadempet ku awi pikeun hatep).
Gula kawung         ; Sabebek (sabeulah,nurutkeun citakan batok sabeulah).
Gula kawung         ; Sagandu (dua bebek,dua beulah).
Hayam                  ; Sajodo(bikang jeung jago).
Injuk                    ; Sakakab (sagebleg,meunang ngolokopkeun tina tangkal kawung ;injuk sok dipake 
                              tambang atawa sok dipake nutupan suhunan imah)  
Jahe                      ; Sarempang.
Jambe                   ; Samanggar.
Japati                    ; Sajodo.
Kalapa                  ; Sahulu.
Kalapa                  ; Samanggar.
Kaso                     ; Sadapur.
Kertas                   ; Salambar.
Koneng                  ; Sasolor.
Manjah                 ; Sadapur,saluwuk.
Munding               ; Sarakit,(dua munding).
Muncang               ; Sadampa(dampa sebutan kana muncang anu sikina dua,ari nu sikina tilu disebut gindi
                               jeung nu sikina hiji disebut gendul.
Nangka                  ; Sacamplung (sasiki).
Pakean                   ; Sapangadeg.
Papan                     ; Salambar.
Pare                       ; Saranggeuy.
Peuteuy                   ; Sapapan.
Peuteuy                   ; Sahanggor(saranggeuy,sababaraha papan).
Salak                       ; Samanggar.
Samak                     ; Saheulay.
Samping                   ; Sakodi.
Sangu                       : sapiring.
Sangu                       ;Sabakul.
Sawah                      ; Sakotak.
Suluh                        ; Sabebek(nuduhkeu hiji,sabeulah).
Suluh                        ; Sahunun (sabeungkeut).
Tambang/Tali            ; Sabatekan.
Uyah                        ; Sahuntu (saguruntul,kira-kira sagede huntu).
Uyah                        ; Sagandu ,sabata.












                                      Sunda yang terluipakan
             

Aambeuan Jeung Rarasaan.

Aambeuan.

Bau                  ; Bangke,bugang,kokotor jalma/sato.
Hangit              ; Olahan anu tutung,barang anu kaduruk.
Hangru             ; Geutih.
Hangseur          ; Cikiih.
Hanyir              ; Lauk,getih.
Hapeuk            ; Pakean kotor,tempat kotor.
Haseum            ; Kokotor ucing,kelek nu kakesangan,olahan anu geus lila.
Pengar              ; Jengkol,peuteuy,obat-obat anu ngandung bahan kimia.
Pesing               ; Cikiih.
Segak               ; Bako,cipeuyeum.
Seungit              ; Kembang.parfum.


Rarasaan.

Amis                ; Rasa gula.
Asin                 ; Rasa uyah.
Gahar               ; Rasa manisan,inuman anu ngandung rasa amis-asem.
Haseum           ; Rasa cuka,bungbuahan anu atah keneh.
Hambar           ; Rasa cai herang.
Kecut              ; Rasa cuka.
Kesed              ; Rasa salak  anu ngora.
Keutar             ; Rasa geutah,cangkang bungbuahan.
Keurang           ; Rasa  kadaharan nu geus tengi atawa nu digoreng ku minyak kalapa murah.
Lada                ; Rasa cengak.
Pahang             ; Rasana buah jengkol,iwung nu geus kolot/iwung nu can diasakeun.
Pangset            ; Rasa olahan anu rea teuing uyah.(asin pisan).
Pait                  ; Rasa kina,paria,hamperu.
Peuheur            ; Rasa terong.

Istilah Husus Tatangkalan jeung Dangdaunan.

Balukang                ; Palapah daun kalapa/kawung.

/Baralak.

Barangbang            ; Daun kalapa nu geus garing dina tangkalna.

Bogol                     ; Bagian tangkal kalapa/cau nupanghandapna (tempat bijilna akar).

Catang                   ; Tangkal kai nu geus ngagoler(garing) lantaran runtuh atawa di tuar).

Iwung                     ; Anak awi anu mang rupa boros keneh (sok di dahar; di seupan di angeun)

Kalakay                  ; Daun nu geus garing (nu geus murag ka taneuh).

Kararas                  ; Sesebutan husus pikeun daun cau nu geus garing.

Koleang                 ;Daun nu geus garing,nu ngoleang murag tina tangkalna(samemeh nepi ka taneuh).

Pancar                   ; Tangkal awi  nu geus garing (sok dipake suluh).

Pangpung               ; Bagian tina tangkal kai ,dahan,nu paeh/garing.

Petet                      ; Bibit tutuwuhan anu leutik keneh,nu jadi sorangan atawa beunang ngahaja melaj.

Ruyung/Bogor        ; Bagean anu teuas dina tangkal kawung.

Sirung                    ; Pidahaneun atawa pitangkaleun nu kakara jadi,melentis.

Tunggul                  ; Bagean tangkal sesa nuar.

Istilah Husus Dina Sasatoan

Badot         ; Embe jalu nu mejehna beger,kaambeu bau
Bajir/Majir  ; Munding,domba,embe anu teu daekeun anakan,jadi lintuh loba gajihna.
Bibit            ; Ingon-ingon indungna nu bakal di arah anakna(lauk mas,domba,embe,munding).
Camani       ; Hayam camani,hayam nu hideung nepi kana tulang-tulangna,sok dipake ubar atawa tumbal.
Dongkaol    ; Munding dongkol,munding nu tandukna duanana ngeluk (ngulapes) ka handap.
Jago            ; Hayam jaluna.
Jajangkar     ; Hayam jalu nu mangkat beger.
Jarah           ; Munding jarah,munding nu teu diurus ,diantep sakarepna di sampalan,dileuweung.
Kumahkar   ; Hayam bikang nu kokotak rek ngendog.
Pancawarna ;Manuk titiran,purukutut anu sorana pohara alusna,langka tur hese ngalana.
Pelen           ;Munding jalu anu mangkat beger.
Pelung         ; Hayam pelung,hayam nu tarik sarta lambat kongkorongokna,kadenge ka jauh.
Ranggah      ; Tanduk ranggah,tanduk munding nu melengkung ka luhur(tanduk uncal nu ranggakgak)
Rintit           ; Hayam rintit,hayam nu tungtung buluna carentik.
Sasapihan   ; Anak hayananu geus di sapih ku indungna.
Tumang      ; Anjing nu buluna hideung meles.
Tutul           ; Maung tutul,maung nu buluna koneng totol totol hideung.

Ngaran Anak Sasatoan

Anak anjing            :Kirik/kicik.
Anak bagong          :Begu.
Anak bandeng        :Nanar.
Anak banteng         :Bangkanang.
Anak bangbung       :Kuuk.
Anak bangkong       :Buruy.
Anak belut              :Kuntit.
Anak bogo              :Cingok.
Anak boncel           :Bayong.
Anak buhaya          :Bocokok.
Anak deleg/gabus   :Boncel/kocolan/kokocolan.
Anak entog             :Titit.
Anak embe             :Ceme.
Anak gajah            :Menel.
Anak hayam          :Ciak/pitik.
Anak japati            :Piyik.
Anak kancra          :Badal.
Anak keuyeup       :Bonceret.
Anak kuda            :Belo.
Anak kukupu        :Hileud.
Anak kutu             :Kuar.
Anak lancah         :Aom.
Anak lauk            :Kebul/burayak.
Anak lele             :Nanahaon.
Anak lubang        :Leungli.
Anak maung         :Juag/aum.
Anak meri           :Titit.
Anak monyet       :Begog
Anak munding     :Eneng.
Anak reungit       :Utek-utek.
Anak sapi           :pedet.
Anak ucing         :Bilatung.


                                                (Sunda yang Terlupakan)

Ngaran Kekembangan

Kembang awi        :Eumbreuk.
Kembang kadu      :Olohok.
Kembang bako      :Bosongot.
Kembang kalap     :Suligar.
Kembang bawang  :Ulated.
Kembang kaso       :Curiwis.
Kembang bolang    :Ancal.
KembangKawung   :Pengis.
Kembang boled      :Tela.
Kembang koneng   :Badul.
Kembang cabe        :Bolotot
Kembang kulur        :Pelepes.
Kembang cau          :Jantung.
Kembang laja          :Jamotrot.
Kembang cengek     :Pencenges.
Kembang leunca      :Pengit.
Kembang cikur        :Jelengut.
Kembang limus        :Seleksek.
Kembang eurih        :Ancul.
Kembang lopang     :Cacas.
Kembang gedang    :Ingwang.
Kembang muncang  :Rinduy.
Kembang genjer      :Gelenye.
Kembang pare        :Ringsang.
Kembang hoe         :Bubuay.
Kembang peuteuy   :Pendul.
Kembang honje       :Comrang.
Kembang salak       :Sedek/Gojod.
Kembang jaat         :Jalinger.
Kembang sampeu   :Dingdet.
Kembang jambe     :Mayang.
Kembang taleus      :Ancal.
Kembang jambuaer :Lenyap.
Kembang tangkil     :Uceng.
Kembang Jambubatu :Karuk
Kembang terong     :Moncorong.
Kembang jarak       :Uing.
Kembang tiwu        :Badaus.
Kembang jotang     :Puntung.
Kembang waluh     :Alewoh..
Kembang jengkol   :Merekenyenyen.
Kembang jeruk      :Angkruk/Angkes.


                        (Sunda yang terlupakan)

Ngaran patukangan

Anjun                    :Tukang nyieun parabot tina taneuh.
Bujangga               :Tukang nyieun/nulis carita.
Canoli                   :Tukang ngajaga pabeasan di nu kariaan(biasana awewe).
Gending                :Tukang nyieun parabot tina kuningan.
Kabayan               :Tukang dititah ka ditu ka dieu.
Kajineman             :Tukang ngajaga jinem(nu di hukum),Mandor sakitan.
Kamasan               :Tukang nyieun parabot tina emas atawa perak.
Kebojengkeng       :Tukang ngagusur padati.
Kulaer                   :Kusir anu tumpakna dina kuda kareta pangagung.
Kuncen                  :Tukang ngurus kuburan.
Legig                      :Tukang ngasruk dina pamortoan.
Malim                     :Tukan nalukeun sasatoan.
Maranggi                :Tukang ngieun ladean jeung sarangka keris.
Merebot                 :Tukang nakol bedug.
Nyarawedi              :Tukang ngagosok permata.
Pakacar                  :Bujang,juru laden.
Palatuk                   :Iber anu tumpak kuda saheulaeun pangagung.
Paledang                :Tukang nyieun parabot tina tambaga.
Palika                     :Tukang teuleum(ngala lauk).
Pamatang                :Tukang moro(nu sok ngagunakeun tumbak).
Pamayang               :Tukang ngala lauk di laut.
Panday                   :Tukang nyieun parabot tina beusi.
Paneresan               :Tukang nyadap.
Paninggaran            :Tukang moro.
Sarati                      :Tukang ngusir gajah.


                                (Sunda yang terlupakan)

Nuduhkeun nu leumpang lobaan

Ngabring          :Leumpang babarengan(lobaan).
Ngabrul            :Kaluar atawa indit babarengan.
Ngaburudul       :Kaluar ti hiji tempat(lobaan).
Ngaleut             :Leumpang babarengan(jalmana leuwih loba tibatan ngabring).
Ngantay            :Sarua jeung ngaleut.
Ngeungkeuy      :Saharti jeung ngaleut.

Rupa-rupa leumpang

Boyot              ; Leumpang kendor bangun bareurat awak,mindeng katinggaleun batur.
Deog/Pengkor ; Leumpang dingdet lantaran suku anu sabeulah rada pondok.
Dohot-dohot   ; Leumpang lalaunan bari semu dodongkoan cara peta nu ngadodoho.
Egang/Egol      ;Lempang cara budak anu anyar di sunatan,lantaran bisul dina palang kakan,jste.
Gonjleng          ;Leumpang awewe bari ngobah-ngobahkeun awak,hayang narik perhatian lalaki.
Ingkud-ingkudan/
Jingkrung         ; Leumpang teu beener lantaran nyeri suku,jste.
Jarigjeug/
Jumarigjeug      ;Leumpang bari semu rek labuh (biasana jalma nu geus kurang tanaga  atawa nu
                         kakara hudang geuring).
Jingjet              ;Leumpang semu hese ngalengkah lantaran cacad suku atawa make samping nu
                         heureut teuing.
Kepoh             ;Leumpang teu bener lantaran tuur rada paadu(meh kawas aksara x).
Kukurubutan    ;Leumpang rada dodongkoan di nu bala atawa di nu remet kakayon.
Monyongkod/
Mongkoy         ;Leumpang anca rada dongko,nembongkeun ulat sieun atawa era.
Narabas           ;Leumpang di nu bala atawa di nu remet kalawan teu miduli cucuk,jsb.
Neker              ;Leumpang di tempat nu nanjak pisan (netek).
Nelenden         ;Leumpang budak,anca pikalucueun.
Nelenyeng        ;Leumpang nu asalna ujug-ujug gancang.
Niliktik             ;Leumpang budak nu kakara bisa leumpang gancang,titiliktikan ka ditu ka dieu.
Nolog               ;Leumpang talag tolog (lantaran teu awas) di nu poek.
Noyod              ;Leumpang nurutkeun karep sorangan,teu malire ka nu nyaram
Ngabadaus        ;Leumpang(semu gancang) teu luak lieuk.
Ngabengbeos/
Mengpeos         ;Leumpang teu luak-lieuk (biasana lantaran aya ka keuheul,kateu sugema,jste.)
Ngadaligdeug    ;Leumpang kawas nu mabok.
Ngadedod        ;Leumpang anca sarta biritna ka kenca ka katuhu,
Ngadigdig         ;Leumpang gancang sarta segut.
Ngadigleu         ;Leumpang kendor semu beurat ngalengkah.
Ngadudud        ;Leumpang gancang teu luak lieuk.
Ngagandeuang  ;Leumpangsalse,dada ajeug,bari keupat laun.
Ngageang         ;Leumpang semu egang.
Ngageublay      ;leumpang awewe,anca,bari keupat laun gebley-gebley.
Ngageblig         ;Leumpang bari neundeut-neundeutkeun suku tepi ka kadenge sora blig,blig,blig
                         (sabalikna tina keketeyepan).
Ngageboy         ;Leumpang awewe anu rada lintuh,awakna semu leuleus.
Ngagegag         ;Leumpang kendor semu bareurat awak.
Ngageyot/
Ngagiyet           ;Leumpang awewe bari semu ngobah-ngobahkeun bujur.
Ngagilincing      ;Sesebutan keur nu leumpang teu mawa naon-naon.
Ngagiplek         ;Leumpang awewe anu gendut,bujurna guplak-giplek.
Ngagitek           ;Leumpang awewe bari semu ngagutak-gitek bujur.
Ngalanggeor      ;Leumpang awewe (biasana nu lenggik) nu alus katempona.
Ngalejeg/
Lujag-lejeg         ;Leuleumpangan di hareupeun batur bari ambeuk.
Ngalenghoy        ;Leumpang alon lantaran cape.
Ngaleyed            ;Leumpang anca diaplen.
Ngeteyep            ;Leumpang laun(biasana nu keur ngintip) sieun kadenge atawa katempo batur.
Ngincid               ;Leumpang gancang( sorangan).
Ngiciprit              ;Leumpang keur waktu hujan atawa loba keneh cileuncang.
Nyelengceng       ;Leumpang gancang sosoranganan(miheulaan batur).
Nyerenteng/
Nyirinting            ;Leumpang semu bari lumpat nyampeurkeun batut(bari ambek).
Rarampeolan      ;Leumpang semu leuleus(nu keur mabok,jste).
Rincug                ;Leumpang teu bener lantaran nyeri dampal suku,atawa leumpang di nu bala sieun
                           kacugak lantaran teu make sendal atawa sapatu.
Sasampoyongan ;Leumpang gagaleongan(nu keur mabok,jste).
Seseleket/
Seselendep         ;Leumpang di antara jelema loba.
Tonggoy             ;Leumpang teu luak-lieuk(bari tungkul),teu mirosea ka nu ngageroan.
Totolonjongan     ;Leumpang kawas nu rek tijongjolong.
Turugtug             ;Leumpang gancang ti nu mudun.
Tuturubun           ;Turun(leumpang)rurusuhan,buru-buru.


                           (Sunda yang terlupakan).

biru

Biruuuuuu cerah

PANDANGAN KE ATAS

Sesungguhnya aku heran melihat orang yang sanggup melihat semesta raya dan menyaksikan kebesaran dan kehebatan ciptaan, kemudian dia setelah itu tidak juga  percaya kepada Allah.
(Abraham Lincoln).

PENGAKUAN DIRI

Ya........Robbi
aku merasa sedih
bila ingat tentang dosa-dosa yang besar
dari mulai hidup hingga kini
bila.....terlihat
mungkin sudah setinggi gunung
atau.....luas
seluas lautan
aku  sadar...
karena tak pernah menjaga ucap dan perbuatan

Ya.......Robbi
sesungguhnya aku mengetahui apa yang diperbuat
tapi......pada firmanMu aku tak perduli
banyak waktu yang dilupakan
dan.......
SabdaMu tak pernah kujadikan pegangan
agar lurus di jalanMu
dan.......bersamaridhoMu

Ya.......Robbi
ku ingin taubat
dari hidup di jalan maksiat
takut azadMu yang berat

Ya.....Robbi
ampunilah aku
karena aku tak akan kuat
bila mendapat siksa akhirat


       nop 92


 

"medan"

ucup ;din cenah mah pilot sukoi teh can nyaho medana,jadi wae nabrak gunung.

udin  ;padahal mah nanyakeun we heula ka ci ucok anu urang medan ,pasti moal

          nabrak gunung nya cup...!

ucup  ;.....!!!!!...?????????...